Her kjem vi med ei meir detaljert reiserute:
Laurdag:
Bergen - Radsundet
Vi legg ut ifrå Bryggen i 12-13 tida på laurdag, og satsar på å få padla i alle fall 25 km den fyrste dagen, og ende i Radsundet.
Søndag:
Radsundet - Eivindvik
Dette vert ei lang etappe, på omlag 50 km, der vi vil ende opp i området rundt Eivindvik, og er allereie inne i Sogn og Fjordane.
Mandag:
Eivindvik - Askvoll
Denne dagsetappa er like lang som søndagen, og etter å ha kryssa sognefjorden set vi kursen mot Askvoll, som er målet for mandagen.
Tysdag:
Askvoll - Florø
Vi tek ei noko kortare etappe, på 30 km, og Florø er målet. Dette vert ei etappe som er nokså "eksponert", sidan det er lite øyar og skjer som ligg mellom oss og nordsjøen.
Onsdag:
Florø - Hornelen
Denne dagen vert noko lenger enn den forrige, tilsaman 35 km. Målet er området rundt Hornelen, den 860 meter høge klippa som ruver lengst ute i Nordfjord.
Torsdag:
Hornelen - Silda
Den kortaste dagsetappa har vi lagt til denne dagen, den er på omlag 20 km. Dette gjer vi for å kunne ha noko å gå på om vi ikkje skulle klare å halde skjemaet dei tidlegare dagane. Her er det og mogleg å få ein "kviledag" før vi skal runde Stadt på fredag.
Fredag:
Silda - Larsnes
Her er den mest "usikre" etappa. Dei rådande verforholda vil avgjere rundinga av Stadt. Om veret vert for hardt, vil vi ordne oss transport ifrå Selje, og over til Leikanger. Målet for dagen vert uansett Øyvind sin heimstad, Larsnes. Dette vert ei 50 km lang etappe.
Laurdag:
Larsnes - Ulsteinvik
Sjarmøretappa på 30 km går frå landsbyen Larsnes til storbyen Ulsteinvik, forhåpentlegvis i strålande ver, og her er alle som vil inviterte til å følgje oss det siste stykket inn mot Ulsteinvik hjarteleg velkomne!
Her er ruta for dag 1.
Den siste etappa skulle eg gjerne fått med meg... Såg flott ut heile turen. Gleder meg til å høyre meir frå dykk undervegs og etterpå.
SvarSlett